Azərbaycan Tibb Universitetinin (ATU) Tədris Terapevtik Klinikasında Ege Universitetinin anestezioloq, reanimatoloq və alqoloqu, prof. Can Eyigör tərəfindən “Xroniki ağrıda neyromodulyasiyalar” mövzusunda seminar keçirilib.
ATU-nun Tədris Terapevtik Klinikasından Aztibb.az-a bildirilib ki, tədbirdə klinikanın direktoru, professor Surxay Musayev, müalicə işləri üzrə direktor müavini Fəridə Hacıyeva, klinikanın həkimləri və rezidentləri iştirak ediblər.
Seminarı giriş nitqi ilə klinikanın direktoru, professor Surxay Musayev açıb.
Daha sonra çıxış edən prof. Can Eyigör xroniki ağrısı olan onkoloji xəstələrə, onurğa ağrılarından və oynaq ağrılarından əziyyət çəkən pasientlərə hansı müdaxilələrin aparılmasının uygunluğundan ətraflı bəhs edib.
Sonda C. Eyigör tərəfindən iştirakçıların sualları cavablandırılıb, mövzu ətrafında geniş müzakirələr aparılıb.
Müəllif: Nərgiz Qəhrəmanova
