Aztibb.az-ın "Həkimlərimizi tanıyaq!" rubrikasında Binəqədi Tibb Mərkəzinin həkim-cərrahı Oruc Şəfiyevdən bəhs edəcəyik.
Oruc Şəfiyev 28 sentyabr 1978-ci ildə Beyləqan rayonunda anadan olub. 1997-2003-cü illərdə Azərbaycan Tibb Universitetinin Müalicə işi fakültəsində təhsil alıb. 2003-2004-cü illərdə Binəqədi Tibb Mərkəzində internatura keçib, həkim-cərrah ixtisasına yiyələnib.
O, 2004-ci ildən Binəqədi Tibb Mərkəzində həkim-cərrah vəzifəsində çalışır.
Bir çox beynəlxalq konfransların iştirakçısı olub.
Oruc Şəfiyev Vətən müharibəsində ön cəbhə xəstəxanalarında yaralı əsgərlərimizə tibbi xidmət göstərən təbiblərimizdəndir.
O, 2021-ci ildə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif olunub.
Müəllif: Nərgiz Qəhrəmanova
