“Həkimlərimizi tanıyaq!" rubrikaməzda sizlərə səmimiyyəti və peşəkarlığı ilə seçilən Mərkəzi Gömrük Hospitalının kardioloqu Sevinc Məmmədovanı təqdim edirik.

Sevinc Məmmədova 1993-1999-cu illərdə Azərbaycan Tibb Universitetinin Müalicə işi fakültəsində, 1999-2000-ci illərdə ATU-da internetura təhsili alıb. O, əmək fəaliyyətinə 2001-ci ildə dövlət tibb müəssisəsində kardioloq kimi başlayıb, 2012-ci ilə qədər orada çalışıb. Sevinc Məmmədova 2012-ci ildən Mərkəzi Gömrük Hospitalında həkim-kardioloq kimi fəaliyyət göstərir.

Ölkə daxilindən və xaricindən gələn pasiyentlərin ürək-damar sisteminin müayinə və müalicə prosesində tam müsbət nəticələrin alınmasında Sevinc xanımın rolu böyükdür.

O, Mərkəzi Gömrük Hospitalında EKG, holter monitorinqi, fiziki yük sınağı, exokardioqrafiya, transezofagial EXO, stress exokardioqrafiya, ambulator qan təzyiqi monitorizasiyası və kardioversiya ilə ürək-damar xəstəliklərinin müalicəsini həyata keçirir. Sevinc həkim fəaliyyətində daim yeni innovasiyalarla və tibbi-mütəxəssis bacarıqları ilə pasiyentləri müalicə edir və onlara sağlamlıq bəxş edir.

Sevinc Məmmədova fəaliyyəti müddətində ölkəmizdə keçirilən bir çox konfranslarda, o cümlədən 2018-ci ildə Azərbaycan Kardioloqlar Cəmiyyətinin VII Milli Konqresində, 2019-cu ildə Azərbaycan Kardiologiya Cəmiyətinin VII Milli Konqresində iştirak edib. O, Azərbaycan Kardioloqlar Cəmiyyətinin üzvüdür.

Sevinc həkimin qəbuluna yazılmaq üçün əlaqə nömrəsi: (012) 404-08-08.

Ətraflı məlumat almaq üçün linkə daxil ola bilərsiniz: https://customshospital.az/sevinc-mammadova/

Müəllif: Nərgiz Qəhrəmanova