Binəqədi Tibb Mərkəzində yeni kadr təyinatı olub.
Aztibb.az xəbər verir ki, Lamiyə Hüseynova Mərkəzdə həkim-kardioloq vəzifəsinə təyinat alıb.
Lamiyə Hüseynova 1984-cü ildə Qərbi Azərbaycanda anadan olub. 2001-2007-ci illərdə Azərbaycan Tibb Universitetində Müalicə işi fakültəsində təhsil alıb. 2007-2008-ci illərdə Akademik C.Abdullayev adına "Elmi-Tədqiqat Kardiologiya İnstitutunda "Kardiologiya" ixtisası üzrə internatura keçib.
O, 2018-2022-ci illərdə Qubadlı Rayon Mərkəzi Xəstəxanasında həkim-kardioloq vəzifəsində çalışıb.
Müxtəlif illərdə ixtisasartırma kurslarında iştirak edib. 2014-cü ildən Azərbaycan Kardioloji Cəmiyyətinin üzvüdür.
Lamiyə Hüseynova 21 noyabr 2022-ci il tarixindən Binəqədi Tibb Mərkəzində həkim-kardioloq vəzifəsində fəaliyyətə başlayıb.
Müəllif: Zamiq İbrahimov
