TƏBİB-in əməkdaşı dünya çempionatında bürünc medal qazanıb
24.11.2022 14:23

Birləşmiş Ərəb Əmirliklərinin paytaxtı Əbu-Dabidə keçirilən ciu-citsu üzrə növbəti dünya çempionatında TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının sürücüsü olan Emil Qurbanov bürünc medal qazanıb.

Aztibb.az TƏBİB-ə istinadla xəbər verir ki, 62 ölkədən 400-dən çox idmançının mübarizə apardığı çempionatda Azərbaycan atletləri də yarışıb. Yığma komandanın heyətində yer alan Emil Qurbanov Mərakeş, İran və Yunanıstan idmançılarına qalib gələrək bürünc medala sahib çıxıb.

Qeyd edək ki, Əbu-Dabidə qazandığı medal Emil Qurbanovun ilk uğuru deyil. O, indiyədək ölkəmizi bir çox beynəlxalq yarışlarda təmsil edib, qələbələr qazanıb.

Dördqat dünya, üçqat Avropa çempionu olan E.Qurbanov bundan qabaq İsraildə keçirilən Avropa Çempionatında (2022) gümüş medal qazanıb.

 

Müəllif:Səadət Məmmədova