Əziz Əliyev adına Azərbaycan Dövlət Həkimləri Təkmilləşdirmə İnstitutunun Terapiya kafedrasının dosenti Gülüstan Babayeva Ukraynada onlayn formatda keçirilən “İltihabi və funksional bağırsaq xəstəlikləri” adlı beynəlxalq konfransda məruzə ilə çıxış edib. 

İnstitutdan Aztibb.az-a bildirilib ki, tədbir Ukrayna Səhiyyə Nazirliyi, Ukrayna Qastroenteroloqları və Diyetoloqları Assosiasiyalarının birgə təşkilatçılığı ilə baş tutub.

Azərbaycanlı həkim beynəlxalq konfransda xoralı kolit, Kron xəstələrində bazis terapiyasına “cavab olunmamağın” səbəblərindən birinin məhz eozinofil iltihabının mövcudluğu və onun iltihabi bağırsaq xəstəliyi zamanı diaqnozun verifikasiyası, xəstəliyin aktivliyinin qiymətləndirilməsinə təsiri və konservativ terapiyanın monitorinqində istifadə üçün yeni laborator markerin yeri və rolu haqqında danışıb. 

Məruzədən sonra iştirakçıların sualları cavablandırılıb.

Müəllif: Zamiq İbrahimov