Sumqayıt Tibb Mərkəzində (STM) "Şəkərli diabet tip 2-də farmokoterapiyanın başlanılması və davam edilməsi" mövzusunda seminar keçirilib.
STM-dən Aztibb.az-a verilən məlumata görə, tədbirdə Azərbaycan Endokrinologiya, Diabetologiya və Terapevtik Təlimat Assosiasiyasının sədri, Azərbaycan Dövlət Həkimləri Təkmilləşdirmə İnstitutunun (DHTİ) Terapiya kafedrasının müdiri, professor Valeh Mirzəzadə sözügedən mövzuda təqdimatla çıxış edib.
V.Mirzəzadə şəkərli diabet xəstəliyini yaradan səbəblər, əlamətləri, müayinə və müalicə üsulları barəsində geniş məlumat verib.
Qarşılıqlı fikir mübadiləsi şəraitində keçən seminarda iştirakçıları maraqlandıran suallar cavablandırılıb.
Qeyd edək ki, tibbin müxtəlif sahələrini əhatə edən bu kimi seminarlar ixtisaslı həkimlərin bilik və bacarıqlarını artırmaq üçün mütəmadi olaraq davam etdiriləcək.
