Azərbaycanda ilk dəfə K.Fərəcova adına Elmi-Tədqiqat Pediatriya İnsitutunda xaricdə təhsil almış və yerli həkimlərimiz üçün “Çocuk Acil Tıp ve Yoğun Bakım Derneği” tərəfindən "Uşaqlarda Təkmil Həyata Dəstək" kursuna (ÇİYAD) dair təlim keçirilib.

İnstitutdan Aztibb.az-a verilən xəbərə görə, təlimdə Elmi-Tədqiqat Pediatriya İnstitutunun direktoru Allahverdi Musayev, “Çocuk Acil Tıp ve Yoğun Bakım Derneği”nin nümayəndələri Dinçer Yıldızdaş, Murat Duman, Tanıl Kendirli və Emel Ulusoy çıxış ediblər.

Çıxışlarda kursun müasir dövrdə önəmindən bəhs olunub. Bildirilib ki, təlim keçən həkimlərin üzərinə çox məsuliyyətli iş düşür.

Kursun məqsədi təlimdə iştirak edən həkimlərin gələcəkdə keçirilən ÇİYAD kurslarında təlimçi kimi iştirak etməsidir.

Sonda kursu uğurla başa vuran iştirakçılara sertifikatlar təqdim olunub.

Müəllif: Zamiq İbrahimov