Tibbi Ərazi Bölmələrini İdarəetmə Birliyi (TƏBİB) və M.A.Topçubaşov adına Elmi Cərrahiyyə Mərkəzi PHŞ-in təşkilatçılığı ilə Lənkəran Rayon Mərkəzi Xəstəxanası PHŞ-də cərrahiyyənin aktual problemlərinə həsr olunmuş regional elmi-praktik konfrans keçirilib.

 

Konfransı giriş nitqi ilə Lənkəran Rayon Mərkəzi Xəstəxanası PHŞ-in direktoru Ağabala Kəlbiyev açaraq tədbir iştirakçılarını salamlayıb.

 

Tədbirdə öd yolları zədələnmələrinin səbəbləri, profilaktikası və müalicəsi, ürəyin birincili şişləri, həzm sisteminin yuxarı şöbəsinin qeyri varikoz mənşəli qanaxmalarının diaqnostika və müalicəsinə müasir yanaşma tərzi, düyünlü və çox düyünlü urlar zamanı trieoidektomiyanın aparılması, praktoloji əməliyyatlar zamanı diod lazerin tətbiqi, cərrahi xəstələrdə tramboz və tramboemboliyaların profilaktikası, təhlükəsiz xolesistektamiya və müasir cərrahiyə metodlarından bəhs olunub.

 

Elmi-praktik konfransda yaxın rayon mərkəzi xəstəxanalarının cərrah, anestizioloq-reanimatoloq və qastroenteroloqları iştirak ediblər.

 

Sonda Elmi Cərrahiyyə Mərkəzi və Lənkəran Rayon Mərkəzi Xəstəxanasının həkim heyətinin iştirakı ilə xəstələrin müayinəsi aparılıb, tibbi xidmətlər göstərilib.