Sumqayıt şəhərinin 29-cu məhəlləsində yerləşən 4 saylı yataqxanada yanğın olub.

Belə ki, yataqxananın birinci mərtəbəsinin dəhlizində olan dolab alışıb. Hadisə yerinə yanğınsöndürənlər cəlb olunub, yanğın söndürülüb və digər ərazilərə keçməsinin qarşısı alınıb. Yanğın nəticəsində dolabda olan əşyalar yanıb.

Tüstünün təsirindən zəhərlənən 81 yaşlı qadına təcili tibbi yardım briqadası tərəfindən yardım göstərilib.

Yanğının elektrik xətlərində yaranan qısaqapanmadan baş verdiyi ehtimal olunur.