"Həkimlərimizi tanıyaq" rubrikasında Sumqayıt Tibb Mərkəzi (STM) 1 nömrəli Ailə Sağlamlıq Mərkəzinin ailə həkimi, terapevt Gülyaz Xəlilova haqqında məlumatları diqqətinizə çatdırırıq.

Gülyaz Xəlilova 1984-cü ildə anadan olub. 2001-2007-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 2008-ci ildə Sumqayıt 1 saylı Şəhər Xəstəxanasında internatura keçib.

 

O, 2009-cu ildə Sumqayıt 1 saylı poliklinikada həkim-terapevt vəzifəsində işə başlayıb. 2021-ci ildən Sumqayıt Tibb Mərkəzinin tabeliyində olan 1 nömrəli Ailə Sağlamlıq Mərkəzində ailə həkimi, terapevt vəzifəsində çalışır.

 

Həkim 2010-cu ildə Bioloji Təbabətdə tətbiq edilən "Müalicə üsulları" kursu keçib. 2021-ci ildə "Dayaq hərəkət aparatı xəstəliklərinin biotənzimləyici terapiyası", "Kəskin respirator xəstəliklərə mərhələli baxış" kurslarında və "Daxili xəstəliklər üzrə Dialoqlar" beynəlxalq konfransında iştirak edib.