Səhiyyə Nazirliyi İctimai Səhiyyə və İslahatlar Mərkəzində (İSİM) 15-16 noyabr 2022-ci il tarixdə klinik protokollara (KP) dair təlimlər keçirilib.

 

 

İkigünlük təlimlərin məqsədi sübutlara əsaslanan klinik protokolları Azərbaycan Tibb Universitetinin və Azərbaycan Dövlət Həkimləri Təkmilləşdirmə İnstitunun müvafiq kafedralarının tədris proqramlarına, həmçinin rezedentura və davamlı tibbi təhsil proqramlarına daxil etmək, peşəkar tibb assosiasiyalarının fəaliyyətini gücləndirmək, onları KP-ların tərtib edilməsi prosesinə daha yaxından cəlb etmək və müvafiq beynəlxalq tədqiqatlarda iştirakına dəstək verməkdir.

 

 

İSİM-in Tibbi keyfiyyət standartları şöbəsinin müdiri Şəhla İsmayılova “Sağlamlıq imkanları məhdud olan uşaqların aşkarlanması”, “Fizioloji hamiləliyi olan qadınlara antenatal qulluq” klinik protokolları bərədə geniş təqdimatlarla çıxış edərək iştrakçılara klinik protokolların tərtibatı, təsnifatı, həkim və pasiyent qrupları, diqqət edilməli olan vacib məqamlar barədə ətraflı məlumat verib.

 

 

Sonda iştrakçıları maraqlandıran suallar cavablandırıldı və səmərəli fikir mübadiləsi aparılıb.