Mərkəzi Gömrük Hospitalının mama-ginekoloqu Mehriban Əmirova Rusiya Federasiyası Səhiyyə Nazirliyinin Akademik V.İ.Kulakov adına Milli Tibbi Tədqiqat Mamalıq, Ginekologiya və Perinatologiya Mərkəzinin təşkilatçılığı ilə keçirilən “Estetik ginekologiya” mövzusunda təlim kursunda iştirak edib.

 

Aztibb.az-ın xəbərinə görə, təlimdə estetik ginekologiyanın bütün mümkün olan üsulları, onların üstünlükləri və mənfi cəhətləri, təhlükəsizliyi və effektivliyi barədə ətraflı məlumat verilib.

 

Təlim iştirakçıları vaginal atrofiya, stress sidik qaçırma, ağrı sindromu, anogenital zonanın estetik korreksiya və digər tibbi və estetik problemləri barədə geniş müzakirələr aparıb. Həmçinin estetik ginekologiyada istifadə olunan texnologiyalardan istifadəyə dair statistik və klinik məlumatlar, bu sahədə olan yeniliklər barədə təqdimatlar edilib.