Mərkəzi Gömrük Hospitalının invaziv kardioloqu Emin Hacıbalayev Türkiyə Kardiologiya Cəmiyyətinin təşkilatçılığı 10-13 noyabr 2022-ci il tarixlərində Türkiyənin Antalya şəhərində keçirilən 38-ci Milli Kardioloji konqresdə iştirak edir.

Aztibb.az xəbər verir ki, tədbirdə dünyanın 50-yə yaxın ölkəsinin kardiologiya sahəsində çalışan nüfuzlu kardioloqlar iştirak edirlər.

Beynəlxalq konqresdə ürək-damar xəstəlikləri, insultun yaranmasının risk amilləri, qan təzyiqinin yüksəlməsi, qanda xolesterin və qlükozanın miqdarının artması və kardiologiya sahəsində olan tibbi yeniliklər və nailiyyətlər barədə geniş müzakirələr aparılır.