Başqa tibb müəssisəsində hamiləyə ana bətnində körpənin inkişafında geriləmə olduğunu, bu səbəbdən də vaxtından əvvəl qeysəriyyə kəsiyi ilə körpənin götürülməli olduğunu, yoxsa dölün tələf ola biləcəyini demişdilər. ETMGİ-yə yaxınlaşan qadın mama-ginekoloq Cahan Məmmədyarovanın konsultasiyasında olub, onun nəzarəti ilə Hamiləliyin Patologiyası şöbəsinə yerləşdirilib. Həkim tərəfindən təyin olunan müalicə taktikası, iki gün ara ilə aparılan dopler müayinəsi ilə xüsusi nəzarətdə olan hamilə ambulator müalicə üçün evə yola salınıb. Həftədə bir dəfə ultrasəs müayinəsi zamanı körpənin çəkisində normal artım olduğu aşkarlanıb və həkim nəzarəti ilə hamiləlik 39-cu həftəyə çatdırılıb. Normal doğuşa bir sıra tibbi əks göstərişlər olduğundan Cahan Məmmədyarova tərəfindən cərrahi doğuş icra olunub.

 

Uğurla aparılan əməliyyat sonrası cinsi qadın olan körpə dünyaya gəlib və sağlam şəkildə ailəsi ilə birlikdə 3 gün sonra evə yola salınıb.