2023-cü il Azərbaycanın dövlət büdcəsi sosialyönümlü və investisiya tutumludur. Növbətin ilin dövlət büdcəsinin zərfi böyük peşəkarlıqla hazırlanıb. 2023-cü ildə səhiyyə xərclərində ciddi artım var.
Bu sözləri Milli Məclisin Səhiyyə komitəsinin sədri, akademik Əhliman Əmiraslanov parlamentin İctimai birliklər və dini qurumlar, Elm və təhsil, Ailə, qadın və uşaq məsələləri, Səhiyyə və Mədəniyyət komitələrinin birgə iclasında çıxışı zamanı deyib.
O bildirib ki, büdcə zərfinə əsasən, 2023-cü ildə səhiyyə xərcləri 3 milyard manata yaxınlaşır və bu, təqdirəlayiq haldır. Səhiyyə xərclərinin tərkibində icbari tibbi sığorta xərcləri nəzərdə tutulur. Ölkəmizdə icbari tibbi sığorta çox böyük uğurla həyata keçirilir. Əhalinin məmnunluğu gündən-günə artır. Xidmətlər kifayət qədər genişdir, onların sayı artıq 3 minə çatıb.
