Noyabrın 4-də Dövlət Gömrük Komitəsinin əməkdaşları arasında Zəfər Gününə həsr olunmuş “Breyn rinq” intellektual oyununun final mərhələsi keçirilib.

Bu barədə Aztibb.az-a Gömrük Hospitalından məlumat  verilib.

Gömrük əməkdaşlarının fərdi inkişafı, məntiqi təfəkkürlərinin nümayiş etdirilməsi və komanda ruhunun möhkəmləndirilməsi məqsədilə təşkil edilən intellektual oyunda Komitə aparatının struktur bölmələri və Komitə sisteminə daxil olan qurumların nümayəndələrinin təmsil olunduğu 34 komanda iştirak edib.

Gərgin mübarizə şəraitində davam edən yarışların final mərhələsi 11 komandanın iştirakı ilə keçirilib.

Bakı Baş Gömrük İdarəsinin “Kapitan” komandası ən yaxşı nəticə nümayiş etdirərək 1-ci yerə layiq görülüb. 2-ci və 3-cü yerləri Enerji Resursları və Dəniz Nəqliyyatında Baş Gömrük İdarəsinin “Enerji”, Tibbi Xidmət İdarəsinin “Hippokrat” komandaları bölüşüblər. Qalib komandalar mükafatlandırılıb və sertifikatlarla təltif olunublar.