Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi tərəfindən agentliyin reabilitasiya müəssisələri arasında Zəfər Gününə həsr olunan yarışlar təşkil olunub.
Nazirliyin İctimaiyyətlə əlaqələr şöbəsindən bildirilib ki, yarışlarda reabilitasiya müəssisələrində bərpa müalicə kursu keçən əlilliyi olan şəxslər iştirak ediblər. Onlar voleybol, marafon qaçışı, şahmat, stolüstü tennis və motorika bacarıqları üzrə yarışıblar.
Məqsəd əlilliyi olan şəxslər arasında idmanın təbliği və idman vasitəsilə də onların sosial inteqrasiyasına dəstək verilməsdir.
Yarışlarda ümumilikdə əlilliyi olan 32 şəxs iştirak edib. Sonda qaliblər mükafatlandırılıb, bütün iştirakçılara sertifikatlar təqdim olunub.