TƏBİB-in dəstəyi ilə "Medinex 2022" sərgisinin tədbirlər proqramı çərçivəsində “Tibbdə innovativ texnologiyalar” adlı panel müzakirəsi davam edib.

Panel sessiyaları formatında Elmi-Tədqiqat Tibbi Profilaktika İnstitutunun direktoru Adil Allahverdiyev, Elmi-Tədqiqat Ağciyər Xəstəlikləri İnstitutunun direktor müavini Gülzar Əliyeva, Milli Hematologiya və Transfuziologiya Mərkəzinin həkim-hematoloqu Nərgiz Əliyeva təqdimatlarla çıxış ediblər.

Təcrübəli mütəxəssislərin təqdimatında xəstəliklərin müalicəsində kök hüceyrə və nanotexnologiya əsaslı metodların tətbiqi, vərəm və digər ağciyər xəstəliklərinin skrininqində süni intellektin tətbiqi, Azərbaycanda hematopoetik kök hüceyrə transplantasiyası və s. mövzular müzakirə edilib.

Sonda mütəxəssislər tərəfindən iştirakçıların sualları cavablandırılıb.