"Medinex 2022" sərgisinin tədbirlər proqramı çərçivəsində tibdə innovasiyalara həsr olunmuş “Pediatriyada müasir diaqnostika və müalicə metodları” adlı panel müzakirəsi təşkil edilib.
Tədbiri giriş sözü ilə açan TƏBİB-in İcraçı direktoru Vüqar Qurbanov pediatrik təcrübədə istifadə edilən innovativ üsulların əhəmiyyətini və bu təcrübələrin Azərbaycanda tətbiqinin uşaqlara göstərilən tibbi xidmətin keyfiyyətinin yaxşılaşdırılmasındakı rolunu vurğulayıb.
Panel sessiyaları formatında keçirilən müzakirələrdə təcrübəli mütəxəssislərin təqdimatında uşaq xəstəliklərinin diaqnostikası, cərrahi müalicəsi, reanimasiyası, qidalanma problemləri, uşaq və yeniyetmə yaş dövrlərində rastlanan aktual psixiatrik mövzular müzakirə edilib.
Sonda qeyd olunan mövzular ətrafında mütəxəssislər tərəfindən iştirakçıların sualları cavablandırılıb, eləcə də fikir mübadiləsi aparılıb.
Qeyd edək ki, ölkənin aparıcı mütəxəssisləri tərəfindən 3 noyabrdan başlayan panel müzakirələri sabah – 5 noyabrda da “Tibdə innovativ texnologiyalar” başlığı altında müxtəlif çıxışlarla davam edəcək.
Sərginin tədbirlər proqramı ilə buradan tanış ola bilərsiniz: https://medinex.az/az-programme/