Biofizika İnstitutunun baş direktoru AMEA-nın müxbir üzvü Oktay Qasımov Samara Universitetinin Optika və spektroskopiya kafedrasının professoru Svetlana Kotova ilə görüşüb.

İnstitutdan Aztibb.az-a bildirilib ki, görüş zamanı Oktay Qasımov qonağa Biofizika İnstitutunda onkoloji və neyrodegenerativ xəstəliklər istiqamətində aparılan tədqiqatların mühüm elmi əhəmiyyətindən, həyata keçirilən müştərək layihələrdən, əldə olunan nailiyyətlərdən söz açıb.

Bundan əlavə, tərəflər arasında gələcək əlaqələrin qurulması və birgə elmi-tədqiqatların aparılması, habelə digər müştərək layihələrin keçirilməsi ilə bağlı fikir mübadiləsi aparılıb.

Daha sonra Svetlana Kotova institutun laboratoriyalarını gəzib, burada prioritet istiqamətlərdə müasir avadanlıqlarla aparılan elmi tədqiqat işləri barədə məlumatlandırılıb, alimlərin səmərəli fəaliyyətinin təmin edilməsi üçün yaradılan şəraiti yüksək qiymətləndirib.