2 nömrəli Bakı Baza Tibb kollecində Zəfər Gününə həsr edilmiş tədbir keçirilib.

 

Aztibb.az xəbər verir ki, tədbirdə Yeni Azərbaycan Partiyası Yasamal Rayon təşkilatının sədri B.Nəbiyev, Yeni Azərbaycan Partiyası Yasamal rayon təşkilatının sədr müavini E.Mustafayeva, Azərbaycan Respublikası Səhiyyə Nazirliyi "İnsan resursları" şöbəsinin mütəxəssisi T.Əhmədova, Respublika Səhiyyə İşçiləri Həmkarlar İttifaqı Təşkilat Komitəsinin müdiri E.Muradova, kollecin əməkdaşı - şəhid Mürsəl Kazımlının valideyinləri, kollecin qazi və əsgər tələbələri, müəllim-tələbə heyəti iştirak ediblər.

 

Azərbaycan Respublikasının Dövlət himni səsləndirildikdən sonra ərazi bütövlüyümüz uğrunda canından keçən şəhidlərin əziz xatirəsi bir dəqiqəlik sükutla yad edilıb.

Kollecin direktoru D.Məmmədəliyeva “Zəfər Günü” münasibətilə iştirakçıları təbrik edərək qeyd edib ki, biz bu şanlı qələbəni Ali Baş Komandan İlham Əliyevin müdrik siyasəti və müzəffər Azərbaycan ordusunun rəşadəti sayəsində qazanmışıq.

 

Şəhid M.Kazımlının atası K.Kazımlı çıxışında oğlunun xatirəsini əziz tutub, ailəsini daima diqqətdə saxlayan kollec rəhbərliyinə və kollektivinə dərin təşəkkürünü bildirib.

Tədbir tələbələrin hazırladığı “Zəfər-44 bayramı” proqramı ilə davam edib. Kollecin foyesində tələbələrin əl işlərindən ibarət “Zəfər Günü”nə həsr olunmuş sərgi nümayiş etdirilıb.