Qeyd edək ki, Ağdam Dəmiryol stansiyasında yerləşdirilmiş Birinci Hərbi Səhra Cərrahiyyə Hospitalı 7/24 saat tibbi və cərrahi xidmət göstərirdi. Dəfələrlə düşmən tərəfindən raketlə vurulmaq təhlükəsinə məruz qalmışdı. Bu səbəbdən Birinci Hərbi Səhra Cərrahiyyə Hospitalı Ağdamın Mahrızlı kənd xəstəxasına köçürülmüşdü. Səttar Yaqubov döyüş bölgəsində yaralanan əsgərlərin Hospitala çatdırılmasında, cərrahi əməliyyatlarda və transportabel halına gələn yaralıların Azərbaycanın digər tibb müəssisələrinə evakuasiyasında fəal iştirak edib.

 

Həkim-metodist, həmçinin Səttar Yaqubov yaralılara vaxtında düzgün ilk cərrahi yardımın göstərilməsi üçün döyüşən ordu hissələri ilə birlikdə döyüşlərdə iştirak edərək, yaralı əsgərlərimizə ilk tibbi yardım göstərib.

 

Qeyd edək ki, Səttar Yaqubov 1972-1978-ci illərdə Azərbaycan Tibb Universitetinin Müalicə-profilaktika fakültəsində təhsil alıb, 1978-1979-cu illərdə M.Ə.Əfəndiyev adına 2 saylı Şəhər Klinik Xəstəxanasında cərrahiyyə ixtisası üzrə internatura oxuyub. O, 1979-2008-ci illərdə müxtəlif dövlət tibb müəssisələrində həkim-cərrah kimi fəaliyyət göstərib. Həmçinin 1991-2008-ci illər ərzində Azərbaycan Tibb Universitetində assistent kimi çalışıb. Səttar Yaqubov 2009-cu ildən Mərkəzi Gömrük Hospitalında həkim olaraq fəaliyyət göstərir.

 

Azərbaycanın işğal olunmuş torpaqlarının azad edilməsi və möhtəşəm qələbənin qazanılmasında Səttar Yaqubovun da payı var.