Bu müəssisələrdən biri olan Mərkəzi Neftçilər Xəstəxanası Bakı şəhəri, Xətai rayonu, Yusif Səfərov küçəsi 21 ünvanında yerləşir. Xəstəxana 6 korpusdan ibarətdir. Müəssisənin işçi heyəti 215 həkim, ümumilikdə 328 tibbi və 295 qeyri-tibbi olmaqla 838 nəfərdən ibarətdir.

 

Mərkəzi Neftçilər Xəstəxanasında Poliklinika, Radiologiya, Laboratoriya, Ginekologiya və doğum, Pediatriya-neonatologiya, Terapiya, Hemodializ, Kardiologiya, Təcili Təxirəsalınmaz Tibbi Yardım, Ümumi cərrahiyyə və orqan transplantasiyası, Ürək-damar cərrahiyyəsi, Əməliyyatxana, Urologiya, Oftalmologiya, Qulaq, burun, boğaz xəstəlikləri, Anesteziologiya, reanimasiya və intensiv terapiya, Fizioterapiya və reabilitasiya şöbələri mövcuddur.

 

Hər bir Azərbaycan vətəndaşı icbari tibbi sığorta ilə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər. Bunun üçün xəstəxanaya şəxsiyyət vəsiqəsi ilə yaxınlaşmaq yetərlidir.

 

Qeyd edək ki, gün ərzində tibb müəssisəsinə ambulator tibbi xidmət üçün müraciət edən pasiyentlərin sayı 600-700, stasionar tibbi xidmət üçün müraciət edən pasiyentlərin sayı isə 30-35 arası dəyişir.