Mərkəzi Gömrük Hospitalının provizoru İlqar Məmmədov 1992-ci ildə Qarabağ müharibəsi zamanı Azərbaycan Tibb Universitetinin V kurs tələbəsi olaraq könüllü cəbhəyə yollanmışdır. Müharibə zamanı İlqar Məmmədov Ağdərə rayonunun Bəyimsarov kəndində, Sərsəng su anbarı ətrafında gedən şiddətli döyüşlərdə iştirak etmiş, döyüş bölgələrində yaralanan hərbiçilərə təcili tibbi yardım göstərmiş və onların döyüş ərazisindən təxris olunmasında fəal iştirak etmişdir.

 

Qeyd edək ki, provizor İlqar Məmmədov 1987-1988-ci illərdə Ukraynanın Xarkov şəhərində Xüsusi Təyinatlıların serjant məktəbində hərbi xidmətdə, daha sonra 1988-1989-cu ildə Rusiyanın Krasnodar şəhərində Hava Hücumundan Müdafiə Qoşunlarında hərbi xidmətdə olub. İlqar Məmmədov hərbi xidmətdən qayıtdıqdan sonra 1988-1993-cü illərdə illərdə Azərbaycan Tibb Universitetini Farmasiya fakültəsində təhsil alıb.

 

Əmək fəaliyyətinə 1993-cü ildə İmişli Şəhər Dəmiryol Xəstəxana məntəqəsində məntəqə müdiri kimi başlayan İlqar Məmmədov 2017-ci ilə qədər müxtəlif dövlət apteklərində müdir kimi çalışıb. O, 2017-ci ildən Mərkəzi Gömrük Hospitalının Alqı satqı və təchizat şöbəsinin provizoru kimi fəaliyyət göstərir.

 

Azərbaycanın işğal olunmuş torpaqlarının azad edilməsi və möhtəşəm qələbənin qazanılmasında İlqar Məmmədovun da payı var.