Aztibb.az Xətai Tibb Mərkəzinə istinadla xəbər verir ki, qida zəhərlənməsi halı baş verərsə, təcili olaraq mədə yuyulmalı, zəhərlənən şəxsə çoxlu miqdarda maye içirilməli, ev şəraitində imalə olunmalıdır. Əgər bu mümkün olmazsa, hər 10 kq bədən çəkisinə 1 tablet olmaqla kömür dərman vasitəsini əzib 1 stəkan suya qatıb içmək lazımdır. Bunu içməklə toksinlərin qana keçməsinin və zəhərlənmənin inkişafının qarşısını almaq olar.

 

Əgər zəhərlənmə inkişaf edərsə, onu ev şəraitində müalicə etmək məsləhət görülmür. Bu zaman mütləq zəhərlənən şəxs tibb müəssisəsinə yerləşdirilməli və ona tibbi yardım göstərilməlidir.

 

Təmizliyə riayət etməklə, qidanı emal edərkən düzgün temperaturda bişirməklə, bişmiş və çiy məhsulların təmasını kəsməklə, təhlükəsiz saxlanılma qaydalarına riayət etməklə qida zəhərlənmələrinin qarşısını almaq mümkündür.