Cənubi Koreya hakimiyyəti Seulda Hellouin bayramının qeyd edilməsi zamanı şəhərin mərkəzindəki İtxevonda baş verən izdiham nəticəsində 19-u əcnəbi olmaqla 153 nəfərin öldüyünü təsdiqləyib.

Bu barədə ölkənin fövqəladə xidmətlərinə istinadən “News-1” agentliyi məlumat yayıb.

Qeyd edilir ki, oktyabrın 29-da axşam saatlarında təxminən 100 min nəfərin iştirak etdiyi Hellouin şənliklərində izdiham yaranıb. Ölüm hallarına əsasən nəfəs çatışmazlığı səbəb olub. Hadisə barədə məlumat alan Cənubi Koreya Prezidenti Yun Sok Yol təcili ofisinə gəlib və müvafiq qurumların rəhbərləri ilə fövqəladə iclas keçirib.

82 yaralıdan 19-nun vəziyyəti ağırdır. Daha əvvəl 149 nəfərin öldüyü, 76 nəfərin yaralandığı bildirilirdi.