Ekvadorda surroqat alkoqoldan zəhərlənərək azı 12 nəfər ölüb.

Bu barədə ölkənin Səhiyyə Nazirliyi məlumat yayıb.

“Səhiyyə Nazirliyi metil spirtinin istehlakı nəticəsində intoksikasiya hallarının baş verdiyi Santo-Dominqo-de-los-Tsaçilas və Esmeraldas əyalətlərində vəziyyətə nəzarəti davam etdirir. 12 ölüm faktı qeydə alınıb. Ümumilikdə 52 nəfər zəhərlənmə ilə əlaqədar tibbi yardım alıb: Santo Dominqoda 39, Esmeraldasda 13”, - qeyd olunub.

Hüquq-mühafizə orqanları insidentləri araşdırır və surroqat spirtli içkilərin paylayıcılarını axtarır. Rəsmi məlumata görə, indiyədək 50 min litrə yaxın məhsul müsadirə edilib.