K.Y.Fərəcova adına Elmi-Tədqiqat Pediatriya İnstitutunda “Neonatal Reanimasiya Proqramı” (NRP) kursu keçirilib.
Tədbirdə institutun direktoru, t.ü.f.d.,dos. Allahverdi Musayev “Neonatal Reanimasiya Proqramı” kursunun yeni doğulmuş körpə ilə təmasda olan bütün səhiyyə işçiləri tərəfindən keçilməli olan ixtisasartırma təhsili proqramı olduğunu deyib. O, Neonatal Reanimasiya Proqramı kursunun təsirli və zəruri bir təlim olduğunu diqqətə çatdırıb.
Direktor neonatal ölümlərin qarşısının alınmasına töhfə vermək üçün bu cür təlimlərin keçirilməsinin vacibliyini vurğulayıb.
Kursun birinci hissəsində təlimçilər - Aydan Şahbazzadə, uzman pediatr Elşad Şıxəliyev, reanimatoloq Xalidə Mustafayeva, ikinci hissədə t.ü.f.d. Sevda Əsədova, uzman pediatr Nərmin Quluzadə, reanimatoloq Afət Ağayeva iştirakçılara NRP kurs proqramına əsasən nəzəri bilikləri və praktiki bacarıqları təqdim ediblər.
Sonda təlim proqramını müvəffəqiyyətlə bitirən kurs iştirakçılarına sertifikatlar təqdim olunub.
