B9 vitamini fol turşusu kimi də tanınır. Bədəndə bir çox vacib funksiyanı həyata keçirən B9 suda həll olan bir vitamindir.

Aztibb.az Kliniki Tibbi Mərkəzə istinadla xəbər verir ki, B9 vitamini körpənin ana bətnində inkişafı üçün son dərəcə vacibdir.

İştahsızlıq və çəki itkisi, konsentrasiyada çətinlik, baş ağrısı, başgicəllənmə, yorğunluq, nəfəs darlığı, ağız yaraları, depressiya B9 çatışmazlığının əlamətləri ola bilər.

Paxlalılar, sitrus meyvələri, çiyələk, qulançar, banan, çuğundur, yaşıl yarpaqlı tərəvəzlər, qaraciyər, avokado və yumurta B9 vitamini ilə zəngin olan qidalardır.