Azərbaycanda səfərdə olarkən yol qəzasına düşən Türkiyənin Ədalət və İnkişaf Partiyası sədrinin müavini Binəli Yıldırım evə buraxılıb.

Aztibb.az bu barədə Türkiyə mətbuatına istinadən məlumat verir.

O, qəzadan sonra ağır əməliyyatlar keçirdiyini və iki qabırğasının sındığını bildirib: “Həmçinin körpücük sümüyüm zədələnib. Müalicəmizin davam etməsində xeyli insanın zəhmət var. Bütün tibb heyətinə, Türkiyə Səhiyyə Nazirliyinə səhhətimin normallaşmasında göstərdiyi xidmətlərinə təşəkkür edirəm. Qəzadan dərhal sonra Azərbaycana gələn ailəmə xüsusilə minnətdaram”.

Binəli Yıldırım bundan sonra müalicəsinin ev şəraitində davam edəcəyini söyləyib.