Maqnezium (Mg) insan orqanizmindəki 11 həyati mineraldan biridir. Kəmiyyət baxımından insanlarda olan minerallar arasında dördüncü yeri tutur.

 

Maqneziumun bu qədər vacib olmasının əsas səbəbi bədənimizdə 300-dən çox fermentin fəaliyyətində əsas rola sahib olmasıdır. Orqanizm bu vacib elementi özbaşına istehsal edə bilmədiyi üçün onu qida vasitəsilə, xaricdən qəbul etməlidir. Orta yaşlı bir insanda təxminən 24 qram maqnezium var. Bədənimizdəki maqnezium ehtiyatı daim yenilənməlidir. Yəni, bu mineralın öz funksiyalarını yerinə yetirməsi üçün bədənə davamlı olaraq verilməlidir.

 

Maqnezium əsas funksiyasını onun 40%-nin olduğu qan və əzələ sistemlərində göstərir. Əzələlərin güclənməsində, zülal sintezində və ferment sisteminin fəaliyyətində hüceyrələrin böyüməsində və bərpasında mühüm rol oynayır. Həmçinin maqnezium maddələr mübadiləsi üçün də bir çox faydası vardır.

 

Bu mineralın çatışmazlığı tibbdə hipomaqnezemiya adlanır.