Azərbaycanın Milli Qəhrəmanı Maşallah Abdullayev 72 yaşında onkoloji xəstəlikdən dünyasını dəyişib.

Aztibb.az-ın məlumatına görə, o, bu gün dəfn ediləcək.

Qeyd edək ki, Abdullayev Maşallah Babakişi oğlu 27 may 1950-ci ildə Qasım İsmayılov (indiki Goranboy) rayonunun Kəpənəkçi kəndində anadan olmuşdu. O, Birinci Qarabağ müharibəsində könüllülərdən ibarət dəstə yaradaraq iştirak etmiş, 1992-ci ildə “Azərbaycanın Milli Qəhrəmanı” adına layiq görülmüşdü.

1992-ci ildə briqada komandirinin müavini vəzifəsinə təyin olunmuş Maşallah Abdullayev Goranboy və Ağdərənin erməni işğalçılarından təmizlənməsində şücaət göstərmişdi.

O, 1992-1993-cü illərdə Goranboy rayon İcra Hakimiyyətinin başçısı kimi fəaliyyət göstərmiş, Azərbaycan Respublikası Ali Sovetinin deputatı olmuşdu.

Allah rəhmət eləsin!