Bu gün Respublika Klinik Xəstəxanasında “Reanimasiya şöbələrində xəstəxanadaxili infeksiyaların profilaktikasında əl gigiyenasının rolu” adlı seminar keçirilib.

Tədbirdə xəstəxananın Yenidoğulmuşların İntensiv Terapiyası bölməsinin müdiri, uzman-neonatoloq Elşad Şıxəliyev mövzu üzrə çıxış edib.

Seminarda xəstəxananın Reanimasiya və Anesteziologiya, Təcili və Təxirəsalınmaz Tibbi Yardım, Hemodializ şöbələrinin kollektivi, Keyfiyyətə Nəzarət Komitəsinin rəhbəri və cərrahiyyə şöbələrinin tibb bacıları iştirak ediblər.

Tədbirdə sadə gigiyenik prosedur olan əl gigiyenasının həyatımızdakı rolu, viruslara qarşı mübarizədə əllərin mütəmadi yuyulmasının vacibliyi, antiseptik vasitələrlə dezinfeksiyanın təhlükəli infeksiyalardan qorunmaqda mühüm müdafiə üsulu olduğu qeyd edilib.

Sonda mövzu ətrafında müzakirələr aparılıb, suallar cavablandırılıb.