K.Y.Fərəcova adına Elmi-Tədqiqat Pediatriya İnstitutunda “Neonatologiyanın İnkişafına Yardım” İctimai Birliyinin (NİYİB) toplantısı keçirilib.

 

Toplantıda institutun direktoru, t.ü.f.d. Allahverdi Musayev, birliyin sədri, prof. Səfixan Həsənov, böyük elmi işçi, t.e.d., dos. Adilə Hacıyeva, t.e.d., dos. Nailə Rəhimova, institutun baş həkimi, uzman həkim Azər Əhmədov, elmi katib, t.ü.f.d, dos. Sevinc Nəsirova və digər həkim əməkdaşlar iştirak ediblər.

 

Tədbirdə çıxış edən professor Səfixan Həsənov birliyin əsas məqsədinin tibbin neonatologiya sahəsinin öyrənilməsi, təbliği və inkişafına yardımçı olmaqdan ibarət olduğunu bildirib.

 

İnstitutun direktoru Allahverdi Musayev NİYİB-in neonatologiya sahəsində geniş maarifçilk işi aparmaq və yenidoğulan körpələrə göstərilən tibbi xidmətin keyfiyyətinin yaxşılaşdırılması istiqamətində öz əhatə dairəsinin daha da genişləndirmək əzmində olduğunu qeyd edib. O, bu məqsədlə birliyin tərkibində Pediatrik reanimasiya və təcili yardım, Metabolik və irsi xəstəliklər, Uşaq cərrahiyyə, Pediatrik Pulmonologiya,  Uşaq endokrinologiya, Uşaq qastroenterologiya, Neonatologiya, Uşaq tibb bacıları, Pediatrik nevrologiya və Diaqnostik laboratoriya dərnəklərinin yaradıldığını qeyd edib.

 

Toplantıda dərnəyin qarşıda duran vəzifə və öhdəlikləri, gələcək planları barəsində müzakirələr aparılıb.