Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM), Təhsil Nazirliyi Gənclərin Respublika Bədii Yaradıcılıq Evinin birgə əməkdaşlığı ilə təhsil müəssisələrində yeniyetmə və gənclərin sağlam həyat tərzi, reproduktiv sağlamlıq və ailə planlaşdırılmasına dair biliklərinin artırılması, təhlükəsiz cinsi davranış vərdişlərinin formalaşdırılması istiqamətində növbəti maarifləndirmə tədbiri keçirilib.

 

Aztibb.az xəbər verir ki, Qusar Rayon Gənclər və İdman İdarəsi Gənlər evində təşkil olunan tədbirdə iştirak edən yeniyetmələrə “Geniş yayılmış infeksiyalar və onların reproduktiv sağlamlığa təsiri” mövzusunda ətraflı məlumat verilib.

 

İSİM-in nümayəndəsi, həkim Afət Məmmədova yeniyetmə və gənclərin reproduktiv sağlamlıq, sanitar-gigiyenik maarifləndirilmə, sağlam ailənin əsasları ilə bağlı tibbi məlumata sahib olmasının əhəmiyyətini vurğulayaraq, ailə planlaşdırılması və müasir kontraseptiv üsullar, həmçinin abort və erkən nikahların fəsadlarını diqqətə çatdırıb.