Bakı Sağlamlıq Mərkəzinin (BSM) əməkdaşı Fəqan Həsənzadə Türkiyənin Samsun şəhərində keçirilən “5. Beynəlxalq 15. Milli Sağlamlıq və Xəstəxana İdarəsi Konqresi”ndə iştirak edib.

Türkiyədə “Səhiyyənin idarə olunması” istiqamətində uzmanlıq təhsili alan Fəqan Həsənzadə konqresin birinci sessiyasında “Azərbaycanın dəyişən səhiyyə sisteminin dəyərləndirilməsi” mövzusunda məruzə ilə çıxış edib.

Qeyd edək ki, hər il mütəmadi olaraq müxtəlif universitetlərdə təşkil olunan Sağlamlıq və Xəstəxana İdarəsi Konqresinə bu il Ondokuz May Universiteti (OMU) ev sahibliyi edib. Konqresin əsas məqsədi problemləri elmi baxımdan qiymətləndirmək, həlli yollarını tapmaq, səhiyyə xidmətlərinin idarə edilməsi, səhiyyə informasiya texnologiyaları, səhiyyə müəssisələrində təşkilati davranış, ictimaiyyətlə əlaqələr, strateji idarəetmə, maliyyə menecmenti və s. mövzuları müzakirə etmək olub.