"Ürək yüklə işlədiyindən lazımi şəkildə qanı pompa edə bilmir", - deyən uzman həkim Cabir Gülmalıyev bu zaman orqanların normal çalışmadığını, bütün orqanizmdə xaosun başladığını bildirib. Qeyd edib ki, bu zaman ürək yığılmalarının tezliyi dəqiqədə 350-600 olur.

 

Həkimin sözlərinə görə, dərman terapiyası ilə gözlənilən nəticə alınmadıqda kəskin vəziyyətlərdə elektrik kardioversiya (ürək ritmini bərpa etmək üçün ürək nahiyəsinə impulslu elektrik cərəyanının çəkilməsi) tətbiq edilir.

 

Təcili və ya təxirəsalınmaz kardioversiya aşağıdakı 4 halda tələb oluna bilər:

 

- Ürəyin aktiv işemiyası (simptomatik və ya EKQ-də görünən);

- Orqanların hipoperfuziyasına dəlalət əlamətlər olduqda;

- Ürək çatışmazlığının ağır təzahürü, məsələn, ağciyər ödemi olduqda;

- Ürəyin mədəciklərinin həddən artıq sürətlənmiş döyüntüsünə səbəb olan əlavə yolların olması ilə müşahidə edilən erkən oyanma sindromu olduqda.

 

Xroniki səyrici aritmiyası olan uyğun xəstələrdə perkutan və ya cərrahi yolla ablasiya tətbiq edilir.