C vitamini əksikliyi bağırsaqların fəaliyyətindən tutmuş dərinin sağlamlığına qədər orqanizmin hər sahəsində pozuntulara səbəb ola bilər.
Aztibb.az xəbər verir ki, diş ətiniz qanayırsa, dişləriniz zəifdirsə və dəriniz təravətini itiribsə, bunlar C vitamini əksikliyinin əlamətləridir.
Həmçinin bağırsaqların zəif işləməsi və köp bu vitaminin əksikliyindən xəbər verir.
Bundan başqa, çəkinin artması, qanazlığı, quru dəri, dəridə qırmızı ləkələr, kiçik toxunuşlardan bədəndə qaralmalar C vitamini azlığına işarədir.
C vitamini əksikliyini aradan qaldırmaq üçün meyvə və tərəvəzlərin qəbuluna diqqət etməlisiniz.
Gündəlik bu vitaminə olan ehtiyacınızı aşağıdakı qidalarla ödəyə bilərsiniz:
Qırmızı bibər, kivi, yaşıl bibər, portağal, çiyələk, briokoli, qara kələm, qreyfurt, naringi və limon C vitamini ilə zəngindir. Bəzən əksikliyi müalicə etmək üçün dərman qəbuluna da ehtiyac ola bilər.