"SƏHHƏT" klinikasının həkim və tibb işçilərindən ibarət səyyar briqadası "Bakı Gəmiqayırma Zavodu" MMC-nin işçi heyəti üçün növbəti tibbi müayinə keçirib.

Aztibb.az xəbər verir ki, "SƏHHƏT" klinikası peşə xəstəliklərinin profilaktikası, diaqnostikası və müalicəsinə dair tədbirlər kompleksini həyata keçirir.

İşçilərin sağlamlığına nəzarət və xəstəliklərin vaxtında profilaktikası müəssisə rəhbərlərinin sosial cavabdehliyidir. Bu tədbirlər əmək qabiliyyətinin itirilməsi ilə bağlı məsrəflərin azaldılmasına və ən əsası, personal üçün təhlükəsiz və komfort iş şəraitinin yaradılmasına imkan verir.

"SƏHHƏT" klinikası hüquqi şəxslərin tam tibbi müşayiətini təmin edə bilir. Tibbi check-up müayinələri klinikada və ya şirkət ərazisində, işçiləri iş prosesindən ayırmadan keçirilir. Personalın rahatlığı üçün xüsusi müayinələr qrafiki tərtib olunur.