21 oktyabr 2022-ci il tarixində Bakıda “Orqan və toxuma transpantasiyasında beyin ölümü diaqnozunun aktual aspektləri” mövzusunda beynəlxalq elmi konfrans keçiriləcək.
Tədbir Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının, Azərbaycan Reanimatoloqlar və Anestezioloqlar Cəmiyyətinin və Azərbaycan Ürək və Sağlamlıq Assosiasiyası İctimai Birliyinin birgə təşkilatçılığı ilə baş tutacaq.
Konfransda beyin ölümü diaqnozunun təyin olunma meyarları, diaqnozun təsdiqində rast gəlinən problemlər, orqan və toxuma transplantasiyası işinin təşkil olunmasının dini, hüquqi və psixoloji aspektləri, eləcə də müvafiq sahədə yerli və beynəlxalq təcrübə barədə yüksəkixtisaslı mütəxəssislər tərəfindən təqdimatlar ediləcək, dinləyicilərin sualları cavablandırılacaq.
Regionlarda çalışan mütəxəssislər üçün əlçatanlığı təmin etmək məqsədilə tədbir hibrid formatda həyata keçiriləcək. Proqrama uyğun olaraq konfrans anestezioloq-reanimatoloq, ümumi cərrah, neyrocərrah, ürək-damar cərrahı, uşaq cərrahı, psixiatr, nevropatoloq, kardioloq, ictimai səhiyyə mütəxəssisi ixtisasına malik həkimlər üçün nəzərdə tutulub.
Beynəlxalq konfransda iştirak ödənişsizdir. Proqramın 80 faizini tamamlayan hər bir iştirakçıya 6 DTT balı və sertifikat veriləcək.
Yerlər məhdud olduğu üçün qeydiyyatdan keçmək mütləqdir!
Əlavə məlumat üçün linkə keçid edə biləriniz: