“Google” korporasiyası yeni növ koronavirus barədə təsdiqlənməmiş informasiya yayan saytların reklamını bloklayacağını bildirib. Sosial şəbəkədəki reklamlar həm avtomatik rejimdə, həm də bilavasitə şirkətin əməkdaşları tərəfindən izlənəcək.

Aztibb.az "Bloomberg" agentliyinə istinadla xəbər verir ki, “Google” insanlar üçün təhlükəli ola biləcək uydurma tibbi nəzəriyyələr yayan resursların reklamını əngəlləmək siyasətinə başlayıb. Belə ki, ekspertlər COVID-19 pandemiyası dövrü ərzində bu qəbildən olan 200 milyondan çox elanı müəyyən edərək bloklayıb.

“Google” şirkəti ilin sonuna qədər koronavirus barədə təsdiqlənməmiş informasiya yayan resurslarda reklamın bloklanması səbəbindən 19 milyon dollara yaxın vəsait itirə bilər. Buna görə də avqust ayından başlayaraq əsas diqqət konkret olaraq COVID-19 xəstəliyi barədə konspiriloji (sui-qəsd) nəzəriyyələrə həsr olunan resurslara ayrılacaq.