K.Y.Fərəcova adına Elmi-Tədqiqat Pediatriya İnstitutunda uşaq cərrahlarının iştirakı ilə ağır xəstələrin müzakirəsi aparılıb.
Müzakirədə K.Y.Fərəcova adına Elmi-Tədqiqat Pediatriya İnstitutun direktoru, t.ü.f.d.Allahverdi Musayev, institutun baş həkimi, uzman həkim Azər Əhmədov və müxtəlif xəstəxanalardan dəvət olunan uşaq cərrahları iştirak ediblər.
Tədbirdə Mərkəzi Klinik Xəstəxanasından uşaq cərrahı Fuad Hüseynov, Elmi-Tədqiqat Pediatriya İnstitutundan uşaq cərrahı Ləman Abdıyeva və uşaq cərrahı Sabir Novruzov öz bilik və təcrübələrini paylaşıblar.
Çıxış edən institutun direktoru Allahverdi Musayev bu cür toplantıların keçirilməsinin zəruri olduğunu bildirib, ağır xəstələrin müzakirəyə təqdim edilməsi, məsləhətləşmələrdən sonra qərar verilməsini doğru sayıb. O, belə maarifləndirici tədbirlərin böyük əhəmiyyət kəsb etdiyini diqqətə çatdırıb.
Bona Dea Hospitaldan Fərid Xanməmmədov, Mərkəzi Klinik Xəstəxanadan Fuad Hüseynovun, Ege Hospitaldan Nicat Vəliyev, Bakı Sağlamlıq Mərkəzindən Toğrul Ömərovun iştirakı ilə keçirilən toplantıda iştirakçıları maraqlandıran suallar cavablandırılıb.
Növbəti belə müzakirələrin Bakı şəhərində Pediatriya sahəsində çalışan pediatrlarla bərabər keçirilməsi planlaşdırılır.