Qan azlığı (Anemiya) hüceyrələrə oksigen daşıyan sağlam qırmızı qan hüceyrələrinin olmadığı bir vəziyyətə deyilir. Müxtəlif anemiya növləri fərqli səbəblərdən qaynaqlanır.
Aztibb.az xəbər verir ki, Referans Poliklinik Əhmədli filialının qastroenteroloq-terapevti Fidan Ağazadə anemiya növləri ilə əlaqəli bəzi səbəbləri açıqlayıb:
-Dəmir çatışmazlığı anemiyası;
-Vitamin çatışmazlığı anemiyası;
-Xroniki xəstəlik anemiyası;
-Aplastik anemiya;
-Sümük iliyi xəstəliyi ilə əlaqəli anemiyalar;
-Hemolitik anemiyalar;
Qan azlığı zamanı xəstədə aşağıdakıi şikayətlər qeyd edilir:
-taxikardiya
-təngnəfəslik
-yorğunluq
-zəiflik
-tərləmə və ağızda quruluq
-qulaqda küylər
-arterial təzyiqin düşməsi
-nəbzin zəif dolğunluqda olması və tezləşməsi
-dəri ve selikli qişaların solğunlaşması
-dəridə quruluq
-baş gicəllənməsi, baş ağrıları
-halsızlıq
-tez-tez tərləmə
-saç tökülməsi
-dırnaqların tez-tez qırılması, laylanması kimi müxtəlif simptomlarla müşayiət olunur.
Həkim qeyd edib ki, qan azlığı zamanı unutmamalı olduğumuz ən önəmli məqam bunun bir xəstəlik olmadığıdır: "Qan azlığı bir xəstəlik deyil, bu bir əlamətdir, bir işarətdir. Altda yatan xəstəlik mütləq müəyyən edilməlidir və ona əsasən bir müalicə yazılmalıdır".