Ümumdünya Səhiyyə Təşkilatı (ÜST) dünyada 70 mindən çox meymunçiçəyi xəstəsinin olduğunu bildirib.
Aztibb.az BBC-ə istinadən xəbər verir ki, Təşkilatın Cenevrədəki mənzil-qərargahında keçirilən mətbuat konfransında çıxış edən ÜST-nin baş direktoru Tedros Adhanom Qebreyesus meymunçiçəyi, vəba və COVID-19 epidemiyaları ilə bağlı son vəziyyəti dəyərləndirib. Haitidəki vəba epidemiyasından narahat olduqlarını vurğulayan T.Qebreyesus xəstələrin dörddə birinin 5 yaşdan kiçik uşaqlar olduğunu deyib: "Ölkədə vəziyyət sürətlə pisləşir. Əvvəllər və indi aşkarlananlar xaricində naməlum infeksiyalar var. Bu günə qədər ÜST-ə 70 mindən çox meymunçiçəyi və 26 ölüm hadisəsi bildirilib".
Meymunçiçəyi xəstəliyinin COVID-19 kimi "qlobal fövqəladə hal" olaraq qaldığını xatırladan T.Qebreyesus ölkələri sınaq və izləmə imkanlarını artırmağa çağırıb.
