Sevinc Salamova Kliniki Tibbi Mərkəzin Radiologiya şöbəsinin həkim-nevroloqu vəzifəsinə təyin olunub.

 

Aztibb.az xəbər verir ki, S.Salamova 1981-ci ildə Bakı şəhərində anadan olub. 1988-1994-cü illərdə Bakı şəhəri 283 saylı orta məktəbində, 1994-1998-ci illərdə isə Bakı şəhər 83 saylı məktəb-liseyində təhsil alıb.

 

1998-2004-cü illərdə Azərbaycan Tibb Universitetində təhsilini davam etdirib. 2004-2005-ci illərdə Uşaq nevrologiya Xəstəxanasında internatura keçib. 2021-2022-ci illərdə Türkiyə Cümhuriyyətinin İstanbul L.Kırdar adına Kartal Elmi araşdırma xəstəxanasının nevroloji polikliniyi, elektrofizioloji və hərəkət xəstəlikləri – EMQ, EEQ və müalicəvi botulinoterapiya üzrə ixtisaslaşma kursu keçib.

 

2007-2014-cü illərdə Respublika Endokrinoloji Xəstəxanasında, 2014-2020-ci illərdə Bakı Sağlamlıq Mərkəzində, 2020-2021-ci illərdə Səudiyyə Ərəbistanı Krallığında Dövlət Universitet Xəstəxanasında həkim-nevroloq olaraq fəaliyyət göstərib.

 

Həmçinin 2018-ci ildən İ.M.Seçenov adına Moskva Dövlət Tibb Universitetində nevrologiya ixtisası üzrə müəllimdir.