Nəzrin Əsgərova Hospitalda normal, patoloji, riskli hamiləlik təqibini, normal fizioloji və cərrahi doğuşları, sonsuzluğun konservativ və cərrahi müalicəsini, laparoskopik kolposkopiya, mioma, kist, endometriozis, histerektomiya əməliyyatları, ginekoloji xəstəliklərin müalicəsini həyata keçirir.

 

O, 2013-cü ildə Azərbaycan Tibb Universitetinin Müalicə profilaktika fakültəsini bitirmiş, 2013-2018-ci illərdə Azərbaycan Tibb Universitetinin II mama-ginekologiya kafedrasında rezidentura təhsili almışdır. O, təhsilini davam etdirərək 2021-ci ildən etibarən Azərbaycan Tibb Universiteti, II mama-ginekologiya kafedrasında doktorantura təhsili alıb. Əmək fəaliyyətinə isə 2019-cu ildən Mərkəzi Gömrük Hospitalında mama-ginekoloq kimi başlayıb.

Nəzrin xanım daim öz üzərində çalışan, ixtisasını artıran həkimdir. O, 2019-cu ildə Azərbaycan Respublikası Səhiyyə Nazirliyi Milli Onkologiya Mərkəzinin təşkilatçılığı ilə keçirilən “Onkoginekologiyada müasir aspektlər” konfransında, 2020-ci ildə Azərbaycan Ginekologiya və Perinatologiyanın İnkişafına Dəstək Assosiasiyasının təşkilatçılığı ilə keçirilən Mamalıq və Ginekologiya üzrə III Beynəlxalq konqresində, 2021-ci ildə Azərbaycan Respublikası Səhiyyə Nazirliyi, İctimai Səhiyyə və İslahatlar Mərkəzinin təşkilatçılığı ilə keçirilən “Reproduktiv sağlamlıq və operativ ginekologiya” mövzusunda seminarda, həmin ildə Azərbaycan Respublikası Səhiyyə Nazirliyi, İctimai Səhiyyə və İslahatlar Mərkəzinin təşkilatçılığı ilə keçirilən “Döldəki qüsurların prenatal diaqnostikası və bətndaxili invaziv müdaxilələr” mövzusunda təlimində iştirak edib.