Oktyabrın 14-15-də Azərbaycan Respublikası Səhiyyə Nazirliyi, akademik Zərifə Əliyeva adına Milli Oftalmologiya Mərkəzi, Türk Cümhuriyyətləri Oftalmoloji Dərnəyi və Azərbaycan Oftalmoloqlar Cəmiyyətinin birgə təşəbbüsü ilə Beynəlxalq Oftalmoloji Konfrans və Azərbaycan Gənc Oftalmoloqlarının 14-cü Beynəlxalq Konfransı keçiriləcək.
Akademik Zərifə Əliyeva adına Milli Oftalmologiya Mərkəzindən bildirilib ki, konfransın məqsədi oftalmologiya sahəsində baş verən yenilikləri, nailiyyətləri araşdırmaq, təkliflər vermək, oftalmologiya sahəsində baş verən ən son yeniliklərlə region və xarici həkimləri tanış etməkdən ibarətdir.
Tədbirdə Türkiyə, Özbəkistan, Türkmənistan, Qazaxıstan və Rusiyadan professorlar, həkimlər və rezidentlər çıxış edəcəklər.
Konfransda, həmçinin Bakı və regionun həkim heyəti məruzələrini təqdim edəcək.
