D vitamini insan orqanizmi üçün çox böyük rol oynayır, demək olar ki, bütün orqanların funksiyasına təsir göstərir.

 

D vitamini çatışmazlığı bir çox problemlərə yol açır. Ancaq normadan çox D vitaminiqəbulu orqanizmdə intoksikasiyaya səbəb olur.

 

Aztibb.az xəbər verir ki, bu barədə nefroloq Barat Yusubov məlumat verib. 

 

Həkim bildirib ki, D vitamini çoxluğunun ən çox rast gəlinən əks təsiri kalsiumun qanda normadan artıq olmasıdır. Belə halda böyrəklər kalsiumu sidiklə ifraz etmək üçün daha çox çalışır və nəticədə sidik kisəsi və sidik yollarında kalsium duzları yığılır.

 

Bütün bunları nəzərə alıb mütləq qanda kalsium və fosfor səviyyələrini müəyyənləşdirib sonra D vitamini qəbul edilməlidir.

 

Həddindən çox D vitamini qəbulu həm sağlam böyrəklərə, həm artıq xəstəliyi olan böyrəklərə mənfi təsir göstərir".