Həkimin sözlərinə görə, aortada daralma anadangəlmə ürək qüsurlarının 6-12%-ni təşkil edir. Yəni hər 1200-1300 doğuşda 1 koarktasiya halı baş verir.

 

- Qulaqlarda küy;

- Başağrıları;

- İstilik hissiyyatı (üzdə);

- Təngnəfəslik;

- Ürək döyünmə;

- Aşağı ətrafların keyiməsi;

- Burun qanaxmaları;

- Huşunu itirmə və s.

 

C.Gülmalıyev əlavə edib ki, yeni doğulmuş körpələrdə və əksəriyyətlə ilk 3 aya qədər klassik cərrahi üsula üstünlük verilir. Qısa bir darlıqdırsa, balon valvuloplastikası ilə genişləndirmək erkən yaşlarda da mümkün olur. Əməliyyat zamanı adətən dar olan hissə çıxarılır, sağlam hissələr uc-uca tikilir. Bəzən qoldan alınmış və ya sintetik damarlarla daralmış bölgələr genişləndirilir:

 

"Əgər xəstə orta hesabla çəkisi 20-25 kq-ı keçibsə və çox uzun bir bölgədə darlıq yoxdursa, stent implantasiyası ilk seçim ola bilər".